Лінкі ўнівэрсальнага доступу

Ці зьменяцца тарыфы на паслугі ЖКГ пасьля ацяпляльнага сэзону?


Паводле БелаПАН У 2007 годзе плянуецца захаваць кампэнсаваньне насельніцтвам выдаткаў на паслугі жыльлёва-камунальнай гаспадаркі на ўзроўні мінулага году. Пра гэта сёньня на прэсавай канфэрэнцыі паведаміў першы намесьнік міністра жыльлёва-камунальнай гаспадаркі Генадзь Ляпуноў. Пры гэтым ён адзначыў, што праграмай разьвіцьця ЖКГ да 2010 году плянуецца давесьці ўзровень кампэнсаваньня да 60 адсоткаў. Летась гэты паказьнік склаў 40,6 адсотка.

Генадзь Ляпуноў нагадаў, што 1 студзеня павялічыліся тарыфы на аплату цеплавой і электрычнай энэргіі – на 12 і 20% адпаведна. Агулам павелічэньне тарыфаў адбылося ў межах 5 даляраў. На пытаньне журналістаў, ці будуць сёлета яшчэ падвышацца тарыфы на паслугі ЖКГ, спадар Ляпуноў заявіў: “Мы паглядзім па выніках ацяпляльнага сэзону”. Ён паведаміў, што, згодна з разьлікамі міністэрства, у зімовы сэзон за сярэднестатыстычную аднапакаёвую кватэру, у якой жывуць два чалавекі, плата складзе 81.415 рублёў, у летні – 49.771 рубель. За двухпакаёвую з трыма жыхарамі: зімой – 122.122, летам – 74.476 рублёў. За трохпакаёвую з чатырма жыхарамі: 170.024 рублі зімой, 101.701 рубель – летам.
XS
SM
MD
LG