Лінкі ўнівэрсальнага доступу

“Сёньня сьнедаем з дыктатарам, а заўтра вячэраем зь бін Лядэнам..."


Аляксей Дзікавіцкі, Варшава У Брусэлі, каля будынку Рады міністраў Эўрапейскага зьвязу прайшоў пікет, арганізаваны Беларуска-эўрапейскім задзіночаньнем супраць спробаў некаторых заходніх палітыкаў весьці перамовы з цяперашнімі беларускімі ўладамі.

Гаворыць старшыня гэтай арганізацыі Зьміцер Піменаў.

Піменаў: “Мы хочам заявіць прашучы пратэст супраць спробаў асобных эўрапейскіх палітыкаў весьці перамовы з дыктатарам Лукашэнкам і ягоным атачэньнем. На нашую думку, гэта чарговая спроба ўбіць клін паміж эўрапейскімі дзяржавамі, якія дапамагаюць Беларусі стаць незалежнай дэмакратычнай краінай”.

У пікеце ўзялі ўдзел каля 15 чалавек, якія раздавалі мінакам улёткі, трымалі бел-чырвона-белыя сьцягі і плякаты з надпісамі “Сёньня сьнедаем з дыктатарам, а заўтра вячэраем зь бін Лядэнам”, “Беларускай нацыі не патрэбны адвакат д’ябла”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG