Лінкі ўнівэрсальнага доступу

У Беларусі павялічылася колькасьць хворых на алькагалізм


Радыё Свабода Амаль 300 тысяч чалавек стаяць на ўліку ў наркалягічнай службе Міністэрства аховы здароўя Беларусі. Пра гэта паведаміў галоўны нарколяг Беларусі Ўладзімер Максімчук. Рост колькасці хворых на алькагалізм за мінулы год склаў 4 працэнта. Колькасць непаўнагадовых алькаголікаў павялічылася на 5%, жанчын – на 15,6%.

Больш за 6 тысяч чалавек з тых, хто стаіць на ўліку ў наркалягічнай службе, хворыя на наркаманію.

Як зазначыў Уладзімер Максімчук, у беларускага насельніцтва склалася "няправільнае стаўленьне да алькаголю", яно не разумее, што бясьпечных і карысных дозаў алкаголю не існуе, што любая доза шкодная.

За мінулы год каля 110 тысячаў беларусаў былі дастаўленыя ў прыёмныя пакоі шпіталёў у стане алькагольнага ап''яненьня. Ад няшчасных выпадкаў і атручэнняў алькаголем памерла больш за 3 тысячы чалавек, столькі ж чалавек у п’яным стане ўчынілі суіцыд.

Як зазначыў Уладзімер Максімчук, працягласць жыцьця чалавека, які ўжывае алькаголь, скарачаецца ў сярэднім на 15 гадоў, у людзей, якія хварэюць на алькагалізм – на 22 гады.

Паводле Міністэрства статыстыкі і аналізу, летась у Беларусі было прададзена 10,6 літра абсалютнага алькаголю на душу насельніцтва. У 2005 годзе гэтая лічба складала 9,3 літра.
XS
SM
MD
LG