На квітках Нацыянальнага акадэмічнага тэатру балету Беларусі цяпер ёсьць спэцыяльная пазнака – перакрэсьлены мабільны тэлефон – забарона размаўляць па мабільніку падчас спэктаклю. Праўда, як сьведчаць аматары балету, амаль на кожным спэктаклі скрозь музыку Чайкоўскага ці Стравінскага пэрыядычна прабіваюцца званкі мабільных сыгналаў. Не дапамагаць і загадзя запісаныя абвесткі, што гучаць перад спэктаклем. Гаворыць кіраўнік Драматычнага тэатру беларускай арміі драматург Аляксей Дудараў.
Дудараў: “Гэта бяда ва ўсіх тэатрах. Заклікаем... Запісаны ласкавы акторскі тэкст, што, “калі ласка, выключце на час спэктаклю мабільныя сродкі сувязі”. Усё адно, пачынаецца спэктакль, недзе затарабаніць. Я вярнуўся з Магілёву, там паставілі мой “Вечар”, дык так двойчы – першы раз мастацкі кіраўнік тэатру папрасіў, а потым яшчэ раз зьвярнуўся да тых, хто пакуль яшчэ не выключыў. І што вы думаеце, пачаўся спэктакль і недзе ў сярэдзіне нейкі тэлефон “затарабаніў”.
Кіраўнік “Беларускай капэлы” Віктар Скарабагатаў перакананы, што, з большага, такія недарэчнасьці адбываюцца выпадкова. Людзі проста забываюць ці няправільна выключаюць мабільны тэлефон. Паводле Віктара Скарабагатава, найбольш эфэктыўнымі могуць быць наступныя захады.
Скарабагатаў: “Найлепшы шлях, як у Заходняй Эўропе, дзе ўсталёўваюць у залях блякіроўку мабільнікаў падчас спэктаклю. Я ня ведаю, як гэта зрабіць тэхнічна, але калі гэтак робіцца, то, значыць, гэта магчыма”.
Напачатку лютага ў Менску пройдзе тэнісны матч “Беларусь-Швэцыя” у рамках Кубку Дэвіса. Як патлумачылі ў Беларускай тэніснай асацыяцыі, на ім будуць прынятыя надзвычайныя захады бясьпекі, праўдападобна, што яны будуць тычыцца і блякаваньня мабільных тэлефонаў, хаця раней на Кубку Дэвіса ў Беларусі забароны на мабільнікі не было.
Забаронена карыстацца мабільнай сувязьзю таксама на тэрыторыі замежных амбасадаў, у шпіталях, дзе гэта можа перашкодзіць працы спэцыяльнай апаратуры, падчас заняткаў у навучальных установах, хаця, трэба адзначыць, што гэтыя правілы не заўсёды выконваюцца.
Забіраюць мабільныя тэлефоны ў наведнікаў Вярхоўнага суду Беларусі – гэта бывае нязручна для журналістаў, якія хочуць хутка паведаміць у рэдакцыі пра хаду працэсу ці рашэньне суду. Гэтая практыка яшчэ не ўкаранілася ў судах ніжэйшых інстанцый, аднак за званок мабільнага падчас судовага працэсу могуць выдаліць з паседжаньня. Летась падчас суду над Аляксандрам Казуліным нехта з прысутных сфатаграфаваў экс-кандыдата на прэзыдэнта камэрай мабільнага тэлефона, пасьля чаго, як толькі хто-небудзь спрабаваў дастаць мабільнік, міліцыянт адразу ж забіраў у яго тэлефон.
Забаронена карыстацца тэлефоннай мабільнай сувязьзю затрыманым у міліцэйскіх пастарунках, а таксама зьняволеным у турме.
Дадам, што сёньня ў калёніі "Віцьба-3" адбываецца спатканьне Аляксандра Казуліна з жонкай і дочкамі. На працягу трох дзён Ірыне, Юліі і Вользе Казуліным забаронена карыстацца мабільнымі тэлефонамі.
Дудараў: “Гэта бяда ва ўсіх тэатрах. Заклікаем... Запісаны ласкавы акторскі тэкст, што, “калі ласка, выключце на час спэктаклю мабільныя сродкі сувязі”. Усё адно, пачынаецца спэктакль, недзе затарабаніць. Я вярнуўся з Магілёву, там паставілі мой “Вечар”, дык так двойчы – першы раз мастацкі кіраўнік тэатру папрасіў, а потым яшчэ раз зьвярнуўся да тых, хто пакуль яшчэ не выключыў. І што вы думаеце, пачаўся спэктакль і недзе ў сярэдзіне нейкі тэлефон “затарабаніў”.
Кіраўнік “Беларускай капэлы” Віктар Скарабагатаў перакананы, што, з большага, такія недарэчнасьці адбываюцца выпадкова. Людзі проста забываюць ці няправільна выключаюць мабільны тэлефон. Паводле Віктара Скарабагатава, найбольш эфэктыўнымі могуць быць наступныя захады.
Скарабагатаў: “Найлепшы шлях, як у Заходняй Эўропе, дзе ўсталёўваюць у залях блякіроўку мабільнікаў падчас спэктаклю. Я ня ведаю, як гэта зрабіць тэхнічна, але калі гэтак робіцца, то, значыць, гэта магчыма”.
Напачатку лютага ў Менску пройдзе тэнісны матч “Беларусь-Швэцыя” у рамках Кубку Дэвіса. Як патлумачылі ў Беларускай тэніснай асацыяцыі, на ім будуць прынятыя надзвычайныя захады бясьпекі, праўдападобна, што яны будуць тычыцца і блякаваньня мабільных тэлефонаў, хаця раней на Кубку Дэвіса ў Беларусі забароны на мабільнікі не было.
Забаронена карыстацца мабільнай сувязьзю таксама на тэрыторыі замежных амбасадаў, у шпіталях, дзе гэта можа перашкодзіць працы спэцыяльнай апаратуры, падчас заняткаў у навучальных установах, хаця, трэба адзначыць, што гэтыя правілы не заўсёды выконваюцца.
Забіраюць мабільныя тэлефоны ў наведнікаў Вярхоўнага суду Беларусі – гэта бывае нязручна для журналістаў, якія хочуць хутка паведаміць у рэдакцыі пра хаду працэсу ці рашэньне суду. Гэтая практыка яшчэ не ўкаранілася ў судах ніжэйшых інстанцый, аднак за званок мабільнага падчас судовага працэсу могуць выдаліць з паседжаньня. Летась падчас суду над Аляксандрам Казуліным нехта з прысутных сфатаграфаваў экс-кандыдата на прэзыдэнта камэрай мабільнага тэлефона, пасьля чаго, як толькі хто-небудзь спрабаваў дастаць мабільнік, міліцыянт адразу ж забіраў у яго тэлефон.
Забаронена карыстацца тэлефоннай мабільнай сувязьзю затрыманым у міліцэйскіх пастарунках, а таксама зьняволеным у турме.
Дадам, што сёньня ў калёніі "Віцьба-3" адбываецца спатканьне Аляксандра Казуліна з жонкай і дочкамі. На працягу трох дзён Ірыне, Юліі і Вользе Казуліным забаронена карыстацца мабільнымі тэлефонамі.