Лінкі ўнівэрсальнага доступу

"Нясьвіжскі час" застаўся без "Саюздруку"


Паводле Службы маніторынгу Беларускай асацыяцыі журналістаў У Нясьвіжы (Менская вобласьць) мясцовае аддзяленьне “Мінаблсаюздруку” адмаўляецца прадаваць у сваіх кіёсках недзяржаўную рэгіянальную газэту "Нясьвіжскі час".

"У сувязі з эканамічнай неэфэктыўнасцю рэалізацыі газеты "Нясьвіжскі час", – паведамляецца ў лісьце начальніка Нясьвіжскага раённага аддзяленьня "Мінаблсаюздруку" Тацьцяны Навоша ад 17 студзеня.

"Вакол газэты ў апошні час склалася даволі няпростая сытуацыя, і якая, на мой погляд, кімсьці каардынуецца і кантралюецца", – выказаў свой погляд галоўны рэдактар "Нясьвіжскага часу" Аляксей Белы. "У гэтым годзе наша выданьне ўжо адмовіліся рэалізоўваць гандлёвае прадпрыемства "Нясьвіжскі гархарчпрамгандаль" і крама "Новае месца". З гэтай прычыны мы вымушаны былі зьнізіць наклад газэты з 2100 асобнікаў да 1700. Праз кіёскі "Саюздруку" мы прадавалі 250 асобнікаў газэты. Страта гэтага каналу распаўсюду для нас адчувальны ўдар".
XS
SM
MD
LG