Менскі палітоляг Аляксандар Класкоўскі зьвяртае ўвагу на тое, што ў цэлым наваполацкія тэзы Аляксандра Лукашэнкі выглядаюць эклектычна:
Класкоўскі: "Гучала шмат розных тэзаў, якія цяжка скласьці ў нейкую адну канцэпцыю. Думаю, што беларускі бок усё ж такі не пакідае надзею неяк перайграць сытуацыю і выбіць нейкія саступкі ад Масквы. І нават у пытаньні "Белтрансгазу" яшчэ ня ўсе кропкі над "і" расстаўлены. Я не выключаю, што пад гэтай маркай можа адбыцца рэвізія заключаных дамоў".
Аляксандар Класкоўскі лічыць, што само жыцьцё змушае беларускі ўрад займацца пошукам альтэрнатыў расейскім энэрганосьбітам:
Класкоўскі: "Кепска тое, што гэта робіцца ў форсмажорных варунках, менавіта тады, калі ўжо абставіны прыціснулі".
Маскоўскі палітоляг Марк Урноў пагаджаецца з тэзай, што Аляксандар Лукашэнка праз сваю рыторыку і дзеяньні спрабуе дамагчыся ад Масквы новых саступак, каб зьмякчыць удар па беларускай эканоміцы.
Урноў: "Я ня ўпэўнены, што Расея пойдзе на наўпросты перагляд тарыфаў: могуць быць нейкія схемы зь не такой прыкметнай стратай аблічча і зь меншай дэманстрацыяй адступленьня. Таму што на самой справе ў Лукашэнкі ёсьць некалькі вельмі моцных карт".
Да такіх карт спадар Урноў аднёс вымаганьне платы за зямлю пад расейскімі трубаправодамі і за вайсковыя аб’екты ў Беларусі:
Урноў: "Паслабленьні для Беларусі, з майго пункту гледжаньня, верагодныя. Лукашэнка тут намацаў слабыя месцы Расеі".
Кіеўскі эканаміст Ігар Буракоўскі з Інстытуту эканамічных дасьледаваньняў і палітычных кансультацыяў гаворыць, што Ўкраіна магла б запрасіць Беларусь да нефармальнага аб’яднаньня транзытораў нафты і газу:
Буракоўскі: "Думаю, што ў гэтым аб’яднаньні можа знайсьці месца й Беларусь. Але, зразумела, для Беларусі трэба ўлічваць, што яна засталася сам насам з Расеяй. І наўрад ці міжнародная супольнасьць, улічваючы гісторыю рэжыму Лукашэнкі, будзе асабліва выступаць на абарону Беларусі".
Камэнтуючы заяву А.Лукашэнкі пра магчымасьць экспарту нафты ў Беларусь праз латвійскі порт Вэнтсьпілс, дэпутат Эўрапарлямэнту ад Латвіі Альдзіс Кушкіс зазначыў Свабодзе:
Кушкіс: "Што Лукашэнка ненадзейны партнэр, у мяне няма ніякіх сумневаў. Але бізнэс ёсьць бізнэсам: яго робяць і зь ненадзейнымі партнэрамі. Латвія, у прынцыпе, заўсёды згодна супрацоўнічаць у эканамічных пытаньнях. Ніякай эканамічнай блякады тут не існуе".
Альдзіс Кушкіс мяркуе, што нафтавы канфлікт між Беларусьсю і Расеяй насьцярожыў Эўропу ня толькі адносна А.Лукашэнкі, але й адносна У. Пуціна.
Класкоўскі: "Гучала шмат розных тэзаў, якія цяжка скласьці ў нейкую адну канцэпцыю. Думаю, што беларускі бок усё ж такі не пакідае надзею неяк перайграць сытуацыю і выбіць нейкія саступкі ад Масквы. І нават у пытаньні "Белтрансгазу" яшчэ ня ўсе кропкі над "і" расстаўлены. Я не выключаю, што пад гэтай маркай можа адбыцца рэвізія заключаных дамоў".
Аляксандар Класкоўскі лічыць, што само жыцьцё змушае беларускі ўрад займацца пошукам альтэрнатыў расейскім энэрганосьбітам:
Класкоўскі: "Кепска тое, што гэта робіцца ў форсмажорных варунках, менавіта тады, калі ўжо абставіны прыціснулі".
Маскоўскі палітоляг Марк Урноў пагаджаецца з тэзай, што Аляксандар Лукашэнка праз сваю рыторыку і дзеяньні спрабуе дамагчыся ад Масквы новых саступак, каб зьмякчыць удар па беларускай эканоміцы.
Урноў: "Я ня ўпэўнены, што Расея пойдзе на наўпросты перагляд тарыфаў: могуць быць нейкія схемы зь не такой прыкметнай стратай аблічча і зь меншай дэманстрацыяй адступленьня. Таму што на самой справе ў Лукашэнкі ёсьць некалькі вельмі моцных карт".
Да такіх карт спадар Урноў аднёс вымаганьне платы за зямлю пад расейскімі трубаправодамі і за вайсковыя аб’екты ў Беларусі:
Урноў: "Паслабленьні для Беларусі, з майго пункту гледжаньня, верагодныя. Лукашэнка тут намацаў слабыя месцы Расеі".
Кіеўскі эканаміст Ігар Буракоўскі з Інстытуту эканамічных дасьледаваньняў і палітычных кансультацыяў гаворыць, што Ўкраіна магла б запрасіць Беларусь да нефармальнага аб’яднаньня транзытораў нафты і газу:
Буракоўскі: "Думаю, што ў гэтым аб’яднаньні можа знайсьці месца й Беларусь. Але, зразумела, для Беларусі трэба ўлічваць, што яна засталася сам насам з Расеяй. І наўрад ці міжнародная супольнасьць, улічваючы гісторыю рэжыму Лукашэнкі, будзе асабліва выступаць на абарону Беларусі".
Камэнтуючы заяву А.Лукашэнкі пра магчымасьць экспарту нафты ў Беларусь праз латвійскі порт Вэнтсьпілс, дэпутат Эўрапарлямэнту ад Латвіі Альдзіс Кушкіс зазначыў Свабодзе:
Кушкіс: "Што Лукашэнка ненадзейны партнэр, у мяне няма ніякіх сумневаў. Але бізнэс ёсьць бізнэсам: яго робяць і зь ненадзейнымі партнэрамі. Латвія, у прынцыпе, заўсёды згодна супрацоўнічаць у эканамічных пытаньнях. Ніякай эканамічнай блякады тут не існуе".
Альдзіс Кушкіс мяркуе, што нафтавы канфлікт між Беларусьсю і Расеяй насьцярожыў Эўропу ня толькі адносна А.Лукашэнкі, але й адносна У. Пуціна.