Лінкі ўнівэрсальнага доступу

В.Оргіш: "Выступ на "Нафтане" — гэта сыгнал Крамлю і грамадзкасьці"


Уладзімер Глод, Менск Палітоляг, доктар філязофскіх навук Вячаслаў Оргіш лічыць, што ўчорашні выступ Аляксандра Лукашэнкі на наваполацкім нафтаперапрацоўчым аб''яднаньні "Нафтан" трэба разглядаць як сыгнал Крамлю і грамадзкасьці.

Оргіш: "Мы ня будзем сядзець склаўшы рукі. Калі вы нас прыціснулі рынкавымі цэнамі, дык і мы будзем спрабаваць ціснуць вас такімі ж мэтадамі.

Агульнае маё ўражаньне такое: да гэтага часу Лукашэнка яшчэ ня вызначыўся канчаткова, што трэба рабіць у новай сытуацыі. Я думаю, што стратэгія дагэтуль ня выпрацавана. Таму Лукашэнка спрабуе гуляць на два кірункі. З аднаго боку, ён разумее, што трэба рабіць нейкія рынкавыя крокі, а з другога боку, — працягвае весьці спрэчку з Расеяй, з Крамлём. Што з гэтага атрымаецца? Я думаю, што ўрэшце рэшт сытуацыя будзе разьвівацца ў такім накірунку, які вымусіць Лукашэнку рухацца канкрэтна і безаглядна ў рынак. Іншага выйсьця няма".
XS
SM
MD
LG