У памяшканьні няма крэслаў, вопратка ляжыць на сталах, уздоўж сьценаў — перавязаныя вяроўкамі стосы папераў… За дзесяць гадоў існаваньня офісу Беларускага Хэльсынскага камітэту на вуліцы Карла Лібкнэхта — гэта першая прэсавая канфэрэнцыя ў такіх умовах. Праваабаронцы не выключаюць, што і апошняя.
Напярэдадні ўладальнік будынку — гаспадарчая ўправа Кіраўніцтва справаў прэзыдэнта ў аднабаковым парадку скасавала дамову пра бестэрміновую арэнду. І сёньня, 22 студзеня, актывісты БХК увогуле не разьлічвалі трапіць у свой офіс, распавёў намесьнік старшыні БХК Гары Паганяйла.
Паганяйла: “Прычым нас папярэдзілі, што калі мы не падпішам гэтага акту, і ўсё ж паспрабуем пасьля 20 студзеня скарыстацца гэтым памяшканьнем, то нас адсюль проста фізычна вынесуць на руках”.
Раніцай праваабаронцы выклікалі журналістаў ды прадстаўнікоў заходніх амбасадаў, і магчыма, гэта падзейнічала — дзьверы БХК для наведнікаў ніхто не блякаваў. Але ў тым, што будзе далей, старшыня БХК Тацяна Процька не сумняецца — прыйдзецца зьяжджаць. Праваабаронцу толькі зьдзіўляе, што гэта робіцца даслоўна празь некалькі дзён пасьля таго, як беларускае кіраўніцтва зноў загаварыла пра навязваньне добрых стасункаў з Эўропай.
Процька: “Правая і левая рука ня ведаюць, што яны робяць. Дзяржава зноў дэманструе сваю грубую сілу. Прыслалі паперу, што проста разрываюць дамову — і ўсё”.
Старшыня БХК Тацяна Процька нагадвае, што высяленьне арганізацыі з офісу набліжае яе да юрыдычнай ліквідацыі, бо знайсьці новы офіс будзе вельмі праблематычна, а безь яго немагчымая рэгістрацыя ў Міністэрстве юстыцыі. Аднак праваабаронцы кажуць, што не зьбіраюцца спыняць сваёй дзейнасьці. “Мы проста станем таварыствам аднадумцаў і будзем працаваць далей без утварэньня юрыдычнай асобы”, — кажа намесьнік старшыні БХК Гары Паганяйла.
Паганяйла: “Галоўная наша мэта застаецца. Гэта кантроль дзяржаўных установаў, органаў улады і кіраваньня, мясцовых органаў улады за выкананьнем Хэльсынскіх пагадненьняў у галіне правоў чалавека. Мы будзем рабіць гэта праз назіраньне, падрыхтоўку маніторынгаў, справаздачаў, як і раней. Мы паспрабуем захаваць наш брэнд — Беларусі Хэльсынскі камітэт”.
Дадам, што за арэну двух пакояў у адміністрацыйным будынку на вуліцы Лібкнэхта БХК штомесяц плаціў 54 эўра. Паводле праваабаронцаў, у іх няма запазычанасьці перад адміністрацыяй будынку, у якім, як кажуць праваабаронцы, шмат вольных пакояў.
У аддзеле дамоў галоўнай гаспадарчай управы Кіраўніцтва справаў прэзыдэнта адмовіліся камэнтаваць прычыны скасаваньня дамовы з БХК. Пры гэтым супрацоўнік аддзелу прасіў не называць ягонага імя.
Напярэдадні ўладальнік будынку — гаспадарчая ўправа Кіраўніцтва справаў прэзыдэнта ў аднабаковым парадку скасавала дамову пра бестэрміновую арэнду. І сёньня, 22 студзеня, актывісты БХК увогуле не разьлічвалі трапіць у свой офіс, распавёў намесьнік старшыні БХК Гары Паганяйла.
Паганяйла: “Прычым нас папярэдзілі, што калі мы не падпішам гэтага акту, і ўсё ж паспрабуем пасьля 20 студзеня скарыстацца гэтым памяшканьнем, то нас адсюль проста фізычна вынесуць на руках”.
Раніцай праваабаронцы выклікалі журналістаў ды прадстаўнікоў заходніх амбасадаў, і магчыма, гэта падзейнічала — дзьверы БХК для наведнікаў ніхто не блякаваў. Але ў тым, што будзе далей, старшыня БХК Тацяна Процька не сумняецца — прыйдзецца зьяжджаць. Праваабаронцу толькі зьдзіўляе, што гэта робіцца даслоўна празь некалькі дзён пасьля таго, як беларускае кіраўніцтва зноў загаварыла пра навязваньне добрых стасункаў з Эўропай.
Процька: “Правая і левая рука ня ведаюць, што яны робяць. Дзяржава зноў дэманструе сваю грубую сілу. Прыслалі паперу, што проста разрываюць дамову — і ўсё”.
Старшыня БХК Тацяна Процька нагадвае, што высяленьне арганізацыі з офісу набліжае яе да юрыдычнай ліквідацыі, бо знайсьці новы офіс будзе вельмі праблематычна, а безь яго немагчымая рэгістрацыя ў Міністэрстве юстыцыі. Аднак праваабаронцы кажуць, што не зьбіраюцца спыняць сваёй дзейнасьці. “Мы проста станем таварыствам аднадумцаў і будзем працаваць далей без утварэньня юрыдычнай асобы”, — кажа намесьнік старшыні БХК Гары Паганяйла.
Паганяйла: “Галоўная наша мэта застаецца. Гэта кантроль дзяржаўных установаў, органаў улады і кіраваньня, мясцовых органаў улады за выкананьнем Хэльсынскіх пагадненьняў у галіне правоў чалавека. Мы будзем рабіць гэта праз назіраньне, падрыхтоўку маніторынгаў, справаздачаў, як і раней. Мы паспрабуем захаваць наш брэнд — Беларусі Хэльсынскі камітэт”.
Дадам, што за арэну двух пакояў у адміністрацыйным будынку на вуліцы Лібкнэхта БХК штомесяц плаціў 54 эўра. Паводле праваабаронцаў, у іх няма запазычанасьці перад адміністрацыяй будынку, у якім, як кажуць праваабаронцы, шмат вольных пакояў.
У аддзеле дамоў галоўнай гаспадарчай управы Кіраўніцтва справаў прэзыдэнта адмовіліся камэнтаваць прычыны скасаваньня дамовы з БХК. Пры гэтым супрацоўнік аддзелу прасіў не называць ягонага імя.
