Дзьве траціны зваротаў у службу выратаваньня здараюцца з прычыны пажараў. Усяго ж у 2006 годзе было каля 20 тысячаў выклікаў, што амаль на 30% больш, чым летась. Што людзі ведаюць пра службу выратаваньня, цікаўлюся ў мінакоў на сталічных вуліцах.
Карэспандэнтка: “Ці ведаеце вы чым займаецца служба выратаваньня? І ці даводзілася вам калі-небудзь зьвяртацца па дапамогу?”.
Юначка: “Мы-то ведаем: дапамагаюць у цяжкую хвіліну. Але зьвяртацца не даводзілася”.
Юнак: “Тушаць пажары, дапамагаюць падчас стыхійных бедзтваў”.
Спадарыня: “Выратавальнікі вы маеце на ўвазе? Дык усім, чым заўгодна займаюцца. Але я ні разу не зьвярталася да іх па дапамогу. Не здаралася такіх надзвычайных выпадкаў”.
Спадар: “Ніколі не зьвяртаўся, але цудоўна разумею: дапамога пры розных здарэньнях. У жыцьці усялякае бывае”.
Як паведаміў міністар па надзвычайных сытуацыях Энвер Барыеў, сапраўды беларуская служба выратаваньня сёньня здольная дапамагаць людзям у самых неспадзяваных здарэньнях. Прычым, ад выкліку брыгады ратавальнікаў да іхнага прыбыцьця на месца здарэньня праходзіць ня больш за 10 хвілін. Гаворыць Энвер Барыеў.
Барыеў: Мы рэагуем сёньня на любога характару просьбу пра дапамогу. У сытуацыях, якія выходзяць за рамкі побытавага выпадку і пагражаюць жыцьцю і здароўю чалавека. Нават такімі пытаньнямі, як восы, дзікія жывёлы – і гэтым выратавальнікам даводзілася займацца. І я вас запэўніваю, што гэта рабілася бясплатна”.
Самыя нестандартныя і небясьпечныя здарэньні на тэрыторыі Беларусі ў мінулым годзе адбываліся 19 разоў. Так, у Гомелі абрынуўся састарэлы мост, каля Чашнікаў ў газаправодзе прадпрыемства “Белтрансгаз” зьявілася дзірка, на прадпрыемстве Новалукомля было разьліта 200 кіляграмаў аміяку. Некалькі разоў выратавальнікі абясшкоджвалі знойдзеную ртуць, а таксама радыяактыўныя рэчывы.
Барыеў: “17 у нас службаў – гэта хімічнай і радыяцыйнай бясьпекі, вадалазна-выратавальная і кіналягічная, авіяцыйна-пошукавая і многія іншыя. Выратавальнік у нас – ён адначасна і хімік, і дазымэтрыст, альбо высотнік. Мы паставілі такую задачу, што кожны наш супрацоўнік павінны прайсьці навучаньне і атрымаць кваліфікацыю парамэдыка. І быць у стане аказаць далекарскую дапамогу”.
Карэспандэнтка: “Ці ведаеце вы чым займаецца служба выратаваньня? І ці даводзілася вам калі-небудзь зьвяртацца па дапамогу?”.
Юначка: “Мы-то ведаем: дапамагаюць у цяжкую хвіліну. Але зьвяртацца не даводзілася”.
Юнак: “Тушаць пажары, дапамагаюць падчас стыхійных бедзтваў”.
Спадарыня: “Выратавальнікі вы маеце на ўвазе? Дык усім, чым заўгодна займаюцца. Але я ні разу не зьвярталася да іх па дапамогу. Не здаралася такіх надзвычайных выпадкаў”.
Спадар: “Ніколі не зьвяртаўся, але цудоўна разумею: дапамога пры розных здарэньнях. У жыцьці усялякае бывае”.
Як паведаміў міністар па надзвычайных сытуацыях Энвер Барыеў, сапраўды беларуская служба выратаваньня сёньня здольная дапамагаць людзям у самых неспадзяваных здарэньнях. Прычым, ад выкліку брыгады ратавальнікаў да іхнага прыбыцьця на месца здарэньня праходзіць ня больш за 10 хвілін. Гаворыць Энвер Барыеў.
Барыеў: Мы рэагуем сёньня на любога характару просьбу пра дапамогу. У сытуацыях, якія выходзяць за рамкі побытавага выпадку і пагражаюць жыцьцю і здароўю чалавека. Нават такімі пытаньнямі, як восы, дзікія жывёлы – і гэтым выратавальнікам даводзілася займацца. І я вас запэўніваю, што гэта рабілася бясплатна”.
Самыя нестандартныя і небясьпечныя здарэньні на тэрыторыі Беларусі ў мінулым годзе адбываліся 19 разоў. Так, у Гомелі абрынуўся састарэлы мост, каля Чашнікаў ў газаправодзе прадпрыемства “Белтрансгаз” зьявілася дзірка, на прадпрыемстве Новалукомля было разьліта 200 кіляграмаў аміяку. Некалькі разоў выратавальнікі абясшкоджвалі знойдзеную ртуць, а таксама радыяактыўныя рэчывы.
Барыеў: “17 у нас службаў – гэта хімічнай і радыяцыйнай бясьпекі, вадалазна-выратавальная і кіналягічная, авіяцыйна-пошукавая і многія іншыя. Выратавальнік у нас – ён адначасна і хімік, і дазымэтрыст, альбо высотнік. Мы паставілі такую задачу, што кожны наш супрацоўнік павінны прайсьці навучаньне і атрымаць кваліфікацыю парамэдыка. І быць у стане аказаць далекарскую дапамогу”.