Спадар Радзівончык быў затрыманы міліцыянтамі ў родным горадзе 11 студзеня. Не зважаючы на тое, што сябра АГП скардзіўся на кепскі стан здароўя, яго адвезьлі ў пастарунак. Пазьней туды прыйшлося выклікаць машыну “хуткай” дапамогі, але пасьля абследваньня ў шпіталі Ўладзімера Радзівончыка зноў прывезьлі ў міліцыю, а потым – у суд. Спадар Радзівончык запатрабаваў адваката, таму разгляд справы перанеслі на 12 студзеня.
У часе сёньняшняга судовага паседжаньня міліцыянты абвінавацілі сябра АГП у тым, што той “нецэнзурна лаяўся ў грамадзкім месцы” на адрас нейкай асобы. Уладзімер Радзівончык спрабаваў давесьці, што гэта – няпраўда, і што ён увогуле ня ведае згаданага чалавека. Тым не менш, судзьдзя Алена Лагода прызнала сьведчаньні міліцыянтаў слушнымі і пакарала актывіста апазыцыйнай партыі пяцю суткамі арышту.
У часе сёньняшняга судовага паседжаньня міліцыянты абвінавацілі сябра АГП у тым, што той “нецэнзурна лаяўся ў грамадзкім месцы” на адрас нейкай асобы. Уладзімер Радзівончык спрабаваў давесьці, што гэта – няпраўда, і што ён увогуле ня ведае згаданага чалавека. Тым не менш, судзьдзя Алена Лагода прызнала сьведчаньні міліцыянтаў слушнымі і пакарала актывіста апазыцыйнай партыі пяцю суткамі арышту.