З пачаткам студзеня перагонка нафты на бэнзін і дызэльнае паліва працягваецца ў рэжыме леташняга сьнежня — за суткі на заводзе перапрацоўваюць 25 тысяч тон сыравіны.
Пра гэта паведаміў намесьнік генэральнага дырэктара Мазырскага нафтаперапрацоўчага заводу Сяргей Саладоўнікаў, які адказвае за забесьпячэньне сыравінай:
Саладоўнікаў: “Паводле пляну працуем, як і працавалі. Загрузка на ўзроўні 25 тысяч тон у суткі”.
На прадпрыемстве не ўдакладняюць, на які час хопіць наяўнай рэзэрвавай сыравіны. У Мазыры чакаюць канчатковага пагадненьня паміж урадамі Беларусі й Расеі.
Саладоўнікаў: “Мы чакаем інфармацыі ад урадаў і канцэрну “Белнафтахім” наконт магчымай пакупкі й перапрацоўкі нафты. Мы цяпер у чаканьні. Пераходных запасаў пакуль дастаткова, каб працаваць нармалёва”, — сказаў Сяргей Саладоўнікаў.
Расейскі ўрад у сьнежні прыняў пастанову пра ўвядзеньне экспартных мытных пошлінаў — больш за 180 даляраў за тону нафты. Гэта падвысіла кошт нафты да 400 даляраў і зрабіла нявыгаднай перапрацоўку на беларускіх заводах. Таму Беларусь і аб’явіла пра адмову купляць расейскую нафту.
Паводле тлумачэньня віцэ-прэм’ера Ўладзімера Сямашкі, Беларусь гатовая аддаваць Расеі палову сваіх прыбыткаў ад уласных экспартных пошлін на нафтапрадукты з тым разьлікам, што Расея адменіць экспартныя пошліны на нафту.
У адказ расейскі прэм’ер нібыта паабяцаў вярнуцца да абмеркаваньня гэтай праблемы пасьля навагодніх вакацыяў. Навагоднія сьвяты працягнуцца ў Расеі да 9 студзеня.
Пра гэта паведаміў намесьнік генэральнага дырэктара Мазырскага нафтаперапрацоўчага заводу Сяргей Саладоўнікаў, які адказвае за забесьпячэньне сыравінай:
Саладоўнікаў: “Паводле пляну працуем, як і працавалі. Загрузка на ўзроўні 25 тысяч тон у суткі”.
На прадпрыемстве не ўдакладняюць, на які час хопіць наяўнай рэзэрвавай сыравіны. У Мазыры чакаюць канчатковага пагадненьня паміж урадамі Беларусі й Расеі.
Саладоўнікаў: “Мы чакаем інфармацыі ад урадаў і канцэрну “Белнафтахім” наконт магчымай пакупкі й перапрацоўкі нафты. Мы цяпер у чаканьні. Пераходных запасаў пакуль дастаткова, каб працаваць нармалёва”, — сказаў Сяргей Саладоўнікаў.
Расейскі ўрад у сьнежні прыняў пастанову пра ўвядзеньне экспартных мытных пошлінаў — больш за 180 даляраў за тону нафты. Гэта падвысіла кошт нафты да 400 даляраў і зрабіла нявыгаднай перапрацоўку на беларускіх заводах. Таму Беларусь і аб’явіла пра адмову купляць расейскую нафту.
Паводле тлумачэньня віцэ-прэм’ера Ўладзімера Сямашкі, Беларусь гатовая аддаваць Расеі палову сваіх прыбыткаў ад уласных экспартных пошлін на нафтапрадукты з тым разьлікам, што Расея адменіць экспартныя пошліны на нафту.
У адказ расейскі прэм’ер нібыта паабяцаў вярнуцца да абмеркаваньня гэтай праблемы пасьля навагодніх вакацыяў. Навагоднія сьвяты працягнуцца ў Расеі да 9 студзеня.
