Менская міліцыя працуе ва ўзмоцненым рэжыме. На вуліцах патрулююць нават салдаты ўнутраных войскаў, апранутыя ў міліцэйскую форму. Пры гэтым колькасьць жыхароў сталіцы на выходныя значна паменшылася, бо многія зьехалі ў вёскі да сваякоў. Супрацоўнікам менскай міліцыі ў сьвяточныя дні давялося часьцей выяжджаць на выклікі. Асноўная прычына – ужываньне алькаголю. У дзяжурнай частцы міліцыі Савецкага раёну сказалі, што апроч сямейных скандалаў, калі міліцыянты забіралі мужа нападпітку, адбыліся й цяжкія злачынствы.
Дзяжурны міліцыянт: “Былі скандалы, таксама былі бойкі й канфлікты, складаныя таксама былі, муж жонку шрубакрутам колькі разоў ударыў – такога кшталту цялесныя пашкоджаньні. Крадзяжы якія? Былі кватэрныя. Адчынілі дзьверы – нехта зайшоў і дублёнку з калідору скраў”.
У навагоднюю ноч адзін мужчына зьвёў рахункі з жыцьцём. Ён не пакінуў перадсьмяротнага ліста й таму распачата крымінальная справа па факце самагубства.
Некалькі чалавек трапілі ў шпіталь з апёкамі рук і твару ў выніку запуску пэтардаў. Трое зь іх шпіталізаваныя. Яшчэ каля дзесятка чалавек адмовіліся ад шпіталізацыі й будуць лекавацца амбуляторна. Мэдыкі ў выходныя часьцей аказвалі дапамогу людзям, якія ў нецьвярозым стане падалі й атрымалі траўмы галавы. Накладзены дзясяткі швоў.
З-за таго, што пасьля дажджу крыху падмарозіла, на вуліцах было коўзка. У выніку каля трыццаці чалавек зьвярнуліся па мэдычную дапамогу з пераломамі й вывіхамі ног і рук. Дзяжурны лекар Другога клінічнага шпіталю паведаміў “Свабодзе”:
Лекар: “Мы пачалі лекаваць апёкі. Стан не пагражае жыцьцю, апёкі абмежаваныя, але яны нічога ня кажуць нам – яны былі п’яныя. Усе лякарні, дзе ёсьць хірургічныя адзяленьні, там паўсюль чэрапна-мазгавыя траўмы, траўмы галавы, усе такія паступаюць. Іх то болей, то меней, але іх заўсёды шмат. Узросты? Уключаючы тых, хто на дзевяностым годзе жыцьця”.
Пажарныя працавалі ў звычайным рэжыме. У службе “01” паведамілі, што ў сьвяточныя дні выяжджалі на выклікі не часьцей чым у будні. 2 студзеня ад 7 вечара на дарогах пад Менскам зьявіліся плыні аўтамабіляў. Людзі вярталіся ў горад. У школьнікаў вакацыі, а дарослым на працу.
Дзяжурны міліцыянт: “Былі скандалы, таксама былі бойкі й канфлікты, складаныя таксама былі, муж жонку шрубакрутам колькі разоў ударыў – такога кшталту цялесныя пашкоджаньні. Крадзяжы якія? Былі кватэрныя. Адчынілі дзьверы – нехта зайшоў і дублёнку з калідору скраў”.
У навагоднюю ноч адзін мужчына зьвёў рахункі з жыцьцём. Ён не пакінуў перадсьмяротнага ліста й таму распачата крымінальная справа па факце самагубства.
Некалькі чалавек трапілі ў шпіталь з апёкамі рук і твару ў выніку запуску пэтардаў. Трое зь іх шпіталізаваныя. Яшчэ каля дзесятка чалавек адмовіліся ад шпіталізацыі й будуць лекавацца амбуляторна. Мэдыкі ў выходныя часьцей аказвалі дапамогу людзям, якія ў нецьвярозым стане падалі й атрымалі траўмы галавы. Накладзены дзясяткі швоў.
З-за таго, што пасьля дажджу крыху падмарозіла, на вуліцах было коўзка. У выніку каля трыццаці чалавек зьвярнуліся па мэдычную дапамогу з пераломамі й вывіхамі ног і рук. Дзяжурны лекар Другога клінічнага шпіталю паведаміў “Свабодзе”:
Лекар: “Мы пачалі лекаваць апёкі. Стан не пагражае жыцьцю, апёкі абмежаваныя, але яны нічога ня кажуць нам – яны былі п’яныя. Усе лякарні, дзе ёсьць хірургічныя адзяленьні, там паўсюль чэрапна-мазгавыя траўмы, траўмы галавы, усе такія паступаюць. Іх то болей, то меней, але іх заўсёды шмат. Узросты? Уключаючы тых, хто на дзевяностым годзе жыцьця”.
Пажарныя працавалі ў звычайным рэжыме. У службе “01” паведамілі, што ў сьвяточныя дні выяжджалі на выклікі не часьцей чым у будні. 2 студзеня ад 7 вечара на дарогах пад Менскам зьявіліся плыні аўтамабіляў. Людзі вярталіся ў горад. У школьнікаў вакацыі, а дарослым на працу.
