Лінкі ўнівэрсальнага доступу

Янукевіч: абсалютна беспадстаўна ўвязваюць падзеі тэракту з вобразам апазыцыі


Аляксей Янукевіч

Аляксей Янукевіч

16 красавіка сойм Партыі БНФ прыняў заяву пра сытуацыю вакол тэракту ў менскім мэтро 11 красавіка. У ім выказана спачуваньне сем'ям ахвяраў.

Старшыня Партыі БНФ Аляксей Янукевіч адзначыў, што гэты тыдзень праходзіць пад знакам жахлівай падзеі:

"Мы асуджаем тую кампанію, якую распачалі афіцыйныя сродкі масавай інфармацыі, якія абсалютна беспадстаўна ўвязваюць падзеі тэракту з вобразам апазыцыі. Якія фактычна адкрыта выстаўляюць хлусьлівыя абвінавачаньні супраць прадстаўнікоў незалежнага грамадзтва. І таксама асуджаем ціск на незалежныя СМІ, які ўлада распачала таксама ў зьвязку з падзеямі, якія адбыліся пасьля гэтага тэракту".

У заяве выказваецца патрабаваньне вызваліць усіх палітвязьняў у краіне, а таксама спыніць кампанію па шэльмаваньні дэмакратычных сілаў і ціску на незалежныя мэдыі.

"Толькі ў свабодным і дэмакратычным грамадзтве з моцнай грамадзянскай супольнасьцю, незалежнымі СМІ праявы ўнутранага тэрарызму фактычна выключаныя, бо ёсьць інстытуты грамадзтва, якія зьяўляюцца моцнымі абаронцамі ад праяваў унутранага экстрэмізму і агрэсіі".

Паказаць камэнтары

XS
SM
MD
LG