Масква і Варшава ўзгодняць надпіс на помніку, які будзе ўсталяваны на месцы авіякатастрофы пад Смаленскам, у выніку якой год назад загінулі 96 чалавек, улучна з тагачасным прэзыдэнтам Польшчы Лехам Качыньскім. Дамоўленасьць у гэтым была дасягнутая сёньня на перамовах прэзыдэнтаў Расеі і Польшчы Дзьмітрыя Мядзьведзева і Браніслава Камароўскага ў Смаленску.
Усталяваны пасьля аварыі польскі варыянт мэмарыяльнай шыльды быў заменены мясцовымі ўладамі. Гэта выклікала незадаволенасьць Варшавы, паколькі зь яе прыбралі надпіс пра тое, што загінулыя накіроўваліся на памятныя мерапрыемствы, прысьвечаныя 70-й гадавіне савецкага генацыду ў катынскім лесе над ваеннапалоннымі польскімі афіцэрамі.
Кіраўнікі дзяржаваў сёньня ж маюць наведаць мэмарыяльны комплекс “Катынь”, узьведзены ў памяць пра тысячы палякаў, расстраляных там савецкім НКВД у 1940 годзе.
Усталяваны пасьля аварыі польскі варыянт мэмарыяльнай шыльды быў заменены мясцовымі ўладамі. Гэта выклікала незадаволенасьць Варшавы, паколькі зь яе прыбралі надпіс пра тое, што загінулыя накіроўваліся на памятныя мерапрыемствы, прысьвечаныя 70-й гадавіне савецкага генацыду ў катынскім лесе над ваеннапалоннымі польскімі афіцэрамі.
Кіраўнікі дзяржаваў сёньня ж маюць наведаць мэмарыяльны комплекс “Катынь”, узьведзены ў памяць пра тысячы палякаў, расстраляных там савецкім НКВД у 1940 годзе.