Лінкі ўнівэрсальнага доступу

Суд апраўдаў лекара-псыхіятра. Пракуратура пратэстуе


Будынак Гомельскага абласнога суду
Будынак Гомельскага абласнога суду
Судзьдзя Гомельскага абласнога суду Людміла Грынько апраўдала былога ўрача-псыхіятра Яўгена Дзедушкіна, які яшчэ ў 2009 годзе быў асуджаны за падпалы Навабеліцкім раённым судом на 4 гады пазбаўленьня волі ў калёніі ўзмоцненага рэжыму.

«Я быў вельмі рады справядліваму выраку. Раней, лічу, мяне каралі таму, што патрэбная была раскрывальнасьць падпалаў», — паведаміў спадар Дзедушкін.

Крымінальная справа супраць былога лекара-псыхіятра Гомельскага абласнога псыханэўралягічнага шпіталя за падпалы гаспадарчых пабудоваў у Навабеліцкім раёне разглядалася тройчы. Міліцыянты «павесілі» на псыхіятра нават падпал сваёй бронекамізэлькі — маўляў, такі ён зацяты піраман.

30-гадовы спэцыяліст з вышэйшай мэдычнай адукацыяй не прызнаваў абвінавачаньняў і не пагаджаўся зь імі, абскарджваў выракі, у тым ліку і ў Вярхоўным судзе. Летась псыхіятра вызвалілі з турмы, замяніўшы турэмныя нары на падпіску пра нявыезд. Агулам Яўген Дзедушкін правёў у сьледчым ізалятары 397 дзён.

Гэтым разам суд прызнаў Дзедушкіна невінаватым у падпалах і апраўдаў з прычыны «недаказанасьці яго ўдзелу ў зьдзяйсьненьні названых злачынстваў».

Аднак намесьнік пракурора Навабеліцкага раёну Раман Валетаў падаў на вырак судзьдзі пратэст, які разгледзіць калегія абласнога суду.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG