У Банглядэш на заклік уплывовых іслямісцкіх партый сёньня праходзіць усеагульны страйк супраць намераў ураду прадаставіць жанчынам роўныя з мужчынамі правы на спадкаемства маёмасьці.
У буйных гарадох не працуюць школы, крамы, фінансавыя ўстановы. У сталіцы краіны Даке на аўтастрадах практычна няма аўтамабіляў.
У нядзелю ў часе сутыкненьняў паміж сіламі бясьпекі і ўдзельнікамі пратэстаў супраць новага закону адзін чалавек загінуў, 25 чалавек былі параненыя.