Лінкі ўнівэрсальнага доступу


Гэтым разам старыя знаёмцы ды ідэйныя апанэнты Саўка і Грышка адгукаюцца сярод іншага на падаражэньне, валютны крызіс і адмены канцэртаў беларускіх гуртоў.


Вы жэ самі ўсё прэкрасна панімаеце


Грышка:


Усё падаражэла, і дызэль, і бэнзін.
Народ не пратэстуе, маўляў, халера зь ім.
Няма валюты ў касах ужо працяглы час.
Дык да якога часу вы будзеце маўчаць?

Саўка:

Вы жэ самі ўсё прэкрасна панімаеце.
Мы жэ ўзрослыя людзі.
Пра што тут гаварыць?

Грышка:

Вось на мяжы літоўскай даўжэзная чарга.
Усе дадому гоняць машыны з-за бугра,
Бо лавачку зачыніць у ліпені зусім.
Народ не пратэстуе. Маўляў, халера зь ім!

Саўка:

Вы жэ самі ўсё прэкрасна панімаеце.
Мы жэ ўзрослыя людзі.
Пра што тут гаварыць?

Грышка:

Ні “Ляпіса”, ні “Дзюбеля” нам паглядзець ня сьвеціць.
Ніхто не абураецца, хіба што ў інтэрнэце.
Паедуць на выходныя ўсе на свой гарод…
Што гэта за краіна? Што гэта за народ?

Саўка (нечакана патройваецца):

Вы жэ самі ўсё прэкрасна панімаеце.
Мы жэ ўзрослыя людзі.
Пра што тут гаварыць?

Саўка2:

Да! Да!
Усе ўсё прэкрасна панімают…

Саўка3:

Вы жэ панімаеце, у какой стране мы жывём…

Паказаць камэнтары

XS
SM
MD
LG