Лінкі ўнівэрсальнага доступу

Янукевіч: «Улады прадэманстравалі сьвету сваю неадэкватнасьць»


Пра апазыцыйную акцыю на Дзень Волі ў Менску мы пагаварылі зь лідэрам Партыі БНФ Аляксеем Янукевічам.

Соўсь: Якая Ваша ацэнка таго, што адбылося сёньня ўвечары ў цэнтры Менску?

Янукевіч: Сёньня ў цэнтры Менску мы пабачылі, на маю думку, страх уладаў. Абсалютна перабольшаная падрыхтоўка і спроба зачысьціць любую праяву альтэрнатыўнай думкі. Тое, што нават помнік Купалу зрабілі недаступным, сквэр быў перакрыты - гэта было вельмі яскравай дэманстрацыяй таго, што самі ўлады, накручваючы гэтую хвалю страху ў грамадзтве, самі вельмі моцна баяцца.

Соўсь: Спэцапэрацыя міліцыі ў цэнтры Менску ўдалася, апазыцыя не змагла адзначыць Дзень Волі ў заплянаваным фармаце. Такую ацэнку даюць некаторыя журналісты, якія назіралі за акцыяй. Вы згодныя з такой ацэнкай?

Янукевіч: Я згодны, што ў апазыцыі безумоўна не атрымалася адзначыць Дзень Волі ў тым фармаце, у якім хацелася б. Аднак я не магу сказаць, што спэцапэрацыя ўдалася, бо калі ты валодаеш настолькі вялікімі рэсурсамі, якімі валодае сёньняшняя ўлада, то самае простае і прымітыўнае, што ты можаш зрабіць - гэта выставіць вельмі шмат міліцыі, апэратыўных супрацоўнікаў, якія проста перакрыюць вуліцы, і прэвэнтыўна затрымліваць людзей. Я ня думаю, што сёньняшнія дзеяньні ўладаў можна назваць пасьпяховымі, бо яны абсалютна не прадухілілі, нешта, што магло б быць сёньня для іх небясьпечна, яны папросту прадэманстравалі сьвету сваю неадэкватнасьць.


СЛУХАЦЬ ГУТАРКУ ЦАЛКАМ


Аляксей Янукевіч у Начной Свабодзе
  • 16x9 Image

    Ганна Соўсь

    Ганна Соўсь нарадзілася ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Аўтарка праекту «Расея і я», сэрыі інтэрвію з 12 экс-прэзыдэнтамі постсавецкіх кранаў. Сябра БАЖ.

Паказаць камэнтары

XS
SM
MD
LG