Зьявілася інфармацыя аб тым, як будзе працаваць СІЗА ў Калядзічах, куды цяпер будуць зьмяшчаць арыштаваных, піша dissidentBY.
Адрас новага СІЗА:
Навадворскі с/с, 143/4, раён д. Пашковічы, Менскі раён, Менская вобласьць.
Прымаць перадачы абяцаюць з аўторка па суботу.
Раней стала вядома, што вязьняў з «Валадаркі» перавозяць у Магілёў і Жодзіна, а таксама ў новае СІЗА ў Менскім раёне.
Паводле інфармацыі dissident.by, сама меней 42 палітвязьні знаходзіліся на «Валадарцы».
Размовы пра будаўніцтва новага будынку СІЗА пад Менскам і перадачы Пішчалаўскага замка ў распараджэньне Менгарвыканкаму, як паведамлялі СМІ, вяліся яшчэ з канца 1990-х гадоў. Замак меўся быць адрэстаўраваны, а ўсё астатняе плянавалася зьнесьці.
Новае СІЗА мела паўстаць у прамысловай зоне «Калядзічы», але ўвядзеньне ў эксплюатацыю доўгі час пераносілі.
Прадстаўнікі ByPol паведамлялі, што на будоўлю СІЗА-1 і рэспубліканскай агульнасаматычнай лякарні ў 2023 годзе выдаткавана больш як 52 млн рублёў (18,7 млн даляраў паводле плянаванага сярэдняга курсу на 2023 год).
