Дакумэнт набывае моц празь 5 дзён пасьля афіцыйнага апублікаваньня, паведамляе Нацыянальны прававы інтэрнэт-партал (пакуль ён не апублікаваны).
Падаражэюць квіткі на цягнікі гарадзкіх ліній, рэгіянальных ліній эканом-клясы і бізнэс-клясы. Таксама вырасьце кошт перавозкі багажу на гарадзкіх, рэгіянальных і міжрэгіянальных маршрутах.
Так, тарыфы на перавозку пасажыраў на гарадзкіх чыгуначных лініях вырастуць на 7 капеек у межах аднаго тарыфнага поясу (напрыклад, па кірунках Менск — Гарадзішча, Менск — Фаніпаль, Берасьце — Жабінка і інш.), а таксама ў межах двух тарыфных паясоў па адным кірунку (напрыклад, Менск — Негарэлае, Горадня — Скідзель і інш.).
У межах двух, трох і чатырох тарыфных паясоў па двух напрамках тарыфы павысяцца на 14 капеек.
Пры гэтым на квіткі ў цягнікі зь менш зручнымі адкіднымі сядзеньнямі будзе дзейнічаць паніжальны каэфіцыент 0,7.
Апошні раз праезд чыгуначным транспартам даражэў у чэрвені 2023 году — у некаторых выпадках тарыфы паднялі больш як на 40%.
