Святлана Ціханоўская абмеркавала з Радославам Сікорскім сьпіс прапановаў, падрыхтаваных Аб’яднаным пераходным кабінэтам і НАУ, для польскіх уладаў. Сустрэча адбылася падчас Дэльфійскага эканамічнага форуму, паведаміла прэсавая служба Ціханоўскай.
Падчас сустрэчы абмяркоўвалі:
- Вайскова-палітычную сытуацыю ў Беларусі і апошнія пагрозы Лукашэнкі ў адрас Польшчы, пастаўкі Менскам узбраеньняў для расейскай арміі;
- Праблему атрыманьня польскіх візаў для беларусаў унутры краіны, а таксама ў трэціх краінах, дзе яны пражываюць;
- Пашырэньне практыкі выдачы палітычнага прытулку для беларусаў, якія ня могуць вярнуцца ў Беларусь;
- Працяг падтрымкі польскім урадам тэлеканалу «Белсат», незалежных мэдыя і грамадзянскай супольнасьці;
- Узмацненьне санкцыйнага ціску і транзыт падсанкцыйных тавараў празь беларуска-польскую мяжу. Прыцягненьне рэжыму Лукашэнкі да адказнасьці;
- Магчымыя крокі для вызваленьня палітычных вязьняў, асобна абмеркавалі лёс Анджэя Пачобута, а таксама сьмерць Аляксандра Кулініча;
- Фармалізацыю адносінаў з Аб’яднаным пераходным кабінэтам;
- Стварэньне міжведамаснай рабочай групы ў пытаньнях Беларусі і беларусаў;
- Правядзенне польска-беларускай канфэрэнцыі імя Тадэвуша Касьцюшкі для ўмацаваньня польска-беларускіх сувязяў і выпрацоўкі стратэгіі па Беларусі;
- Удзел дэмакратычных сілаў Беларусі ў праграме Эўразьвязу «Ўсходняе партнэрства», а таксама ў іншых міжнародных фарматах.