Аксана Зарэцкая — колішняя ўдзельніца асноўнага складу Каардынацыйнай Рады, трэнэрка этыкету і бізнэс-камунікацый, культуралягіня, магістарка пэдагогікі. Яна мае дваіх дзяцей.
Пра выхад Аксаны Зарэцкай на волю напісала Ніка Сандрас.
Палітзьняволеную асудзілі на 1,5 года калёніі. Яе абвінавацілі ва ўдзеле ў акцыях пратэсту паводле арт. 342 КК (актыўны ўдзел у групавых дзеяньнях, што груба парушаюць грамадзкі парадак).
Тэрмін Зарэцкая адбывала ў гомельскай жаночай калёніі № 4. Напачатку красавіка яна выйшла на волю.
Падчас знаходжаньня Аксаны за кратамі прыходзілі паведамленьні пра вельмі кепскі стан ейнага здароўя.
