Пра гэта паведамляе БЕЛТА.
«Якія б ні былі ў нас з вамі адносіны (я вас лаяў, здымаў з працы і іншае), вы павінны быць дзяржаўнымі людзьмі. Ні я, ні вы асабіста нічога ня значныя ў параўнаньні з тым, што значыць для нас сувэрэнная і незалежная Беларусь», — сказаў Лукашэнка прызначэнцам.
Ён патлумачыў ім, як трэба працаваць: «Я часта публічна кажу: рабіце што хочаце і як вы лічыце патрэбным. Натуральна, ёсьць законы, правілы, яны ўжо даўно ў нас у крыві. Але там, дзе патрэбны вынік, трэба прайсьці побач, плячо ў плячо з гэтым законам і прыняць рашэньне».
Лукашэнка таксама закрануў тэму санкцыяў: «Нам дастаткова аднаго расейскага рынку. Мы што, гіганцкая эканоміка? Не. Мы запатрабаваныя па ўсіх напрамках. Але, як я кажу, трэба варушыцца. Канкурэнцыя была і будзе». Паводле яго, беларуская прадукцыя ў параўнаньні з кітайскай выйграе па суадносінах цаны і якасьці.
Ён таксама сказаў, што самай цікавай працай у яго жыцьці была праца кіраўніком сельгаспрадпрыемства.
