Пад 2-ю гадавіну Палка Каліноўскага група «Кібэрпартызаны» ўзламала сайт ДТСААФ, на ім разьмясьцілі фотаздымак са штандаром палка і віншаваньні беларускім ваярам.
Кібэрпартызаны — супольнасьць беларускіх праломнікаў, якая вядомая здабываньнем сакрэтных зьвестак дзяржаўных органаў і арганізацый кібэр-атак.
Два гады таму, 9 сакавіка 2022 году, беларускія добраахвотнікі аб’явілі пра абʼяднаньне ў батальён імя Кастуся Каліноўскага. За гэты час яны прайшлі шлях ад невялікай групы пры тэрытарыяльнай абароне «Азоў» да найбуйнейшага нацыянальнага падразьдзелу замежнікаў у складзе Ўзброеных сіл Украіны.
