Ужо сёньня: дзень народзінаў Адама Станкевіча

Дзень у гісторыі

1582 — заключаны Ям-Запольскі мір, якім скончылася Інфлянцкая вайна.

1810 — заключаная Канстантынопальская дамова, паводле якой Расея атрымала Крым і Кубань.

1912 — Нью-Мэксыка стаў 47-м штатам ЗША.

1928 — у Вільні выйшаў першы нумар часопіса «Chryścijanskaja Dumka».

1950 — пачалася рэгулярная трансьляцыя праграмаў Беларускай рэдакцыі Радыё Ватыкану.

2008 — Міхэіл Саакашвілі другі раз абраны прэзыдэнтам Грузіі.

2019 — Праваслаўная царква Ўкраіны атрымала аўтакефалію.

ГЛЯДЗІЦЕ ТАКСАМА:

Усяленскі патрыярх уручыў томас аб аўтакефаліі Праваслаўнай царквы Ўкраіны. ВІДЭА

У гэта дзень нарадзіліся

1412 — Жанна д’Арк, нацыянальная гераіня Францыі, лідэрка змаганьня супраць ангельскай акупацыі.

1822 — Генрых Шліман, нямецкі археоляг, які раскапаў старажытную Трою.

1892 — Адам Станкевіч, беларускі каталіцкі сьвятар, грамадзкі, культурны і палітычны дзяяч, асьветнік, культуроляг, выдавец і публіцыст.

1900 — Аляксандар Адамовіч, дзяржаўны дзяяч, ахвяра сталінскіх рэпрэсіяў.

1914 — Тодар Лебяда, пісьменьнік, вязень ГУЛАГу.

1919 — Аўгіньня Каранеўская, дзяячка беларускага руху ў Аўстраліі.

У памяці

1610 — Андрэй Волян, палітык, філёзаф, дзяяч эпохі Адраджэньня. Яго імем названая вуліца ў Вільні.

1919 — Тэадор Рузвэльт, 26-ы прэзыдэнт ЗША, ляўрэат Нобэлеўскай прэміі міру ў 1906 г.

1943 — Антон Неманцэвіч, уніяцкі сьвятар, асьветнік (памёр у Менскай турме СД).

1945 — у Швайцарыі памерла Марыя Магдалена Радзівіл, арыстакратка, мэцэнатка. Перапахаваная ў Менскім касьцёле Сьвятога Роха.

1975 — Юрка Віцьбіч, беларускі пісьменьнік, дзяяч беларускай эміграцыі.

1993 — Рудольф Нурыеў, артыст балету.

2004 — Янка Юхнавец, беларускі паэт.