Узначаліў прадстаўніцтва дарадца ABBA, прадпрымальнік Мікалай Мурзянкоў, паведамляе інфармацыйнае агенцтва «Позірк».
«Мы запрашаем бізнэсоўцаў зь беларускімі каранямі зьвяртацца ў АВВА з пытаньнямі і прапановамі. Вы можаце паўдзельнічаць у падрыхтоўцы беларускага бізнэс-форуму ў Вашынгтоне, сустрэцца ў нашым прадстаўніцтве, каб абмеркаваць патрэбы беларускага бізнэсу ў ЗША», — гаворыцца ў паведамленьні телеграм-канале асацыяцыі.
20 верасьня віцэ-прэзыдэнтка ABBA Марына Гірын анансавала правядзеньне ў пачатку 2024 года ў Вашынгтоне беларускага бізнэс-форуму. Адпаведную заяву яна зрабіла, падводзячы вынікі III Беларускага бізнэс-форуму ў Варшаве.
Падчас форуму ў Варшаве была падпісаная «дарожная мапа» супрацоўніцтва паміж АВВА і Міністэрствам гандлю ЗША. У дакумэнце прапісаныя канкрэтныя мэханізмы ўзаемадзеяньня бакоў шляхам арганізацыі бізнэс-форумаў, падтрымкі дзейнасьці чальцоў асацыяцыі, дапамогі ў правядзеньні маркетынгавых дасьледаваньняў і іншага.
ABBA створана ў жніўні 2021 года, яе ўзначальвае былы супрацоўнік Дзяржсакратарыяту Рады бясьпекі Беларусі Яўген Буры.
Крамянёвая даліна (іншая назва — Сіліконавая даліна) — неафіцыйная назва рэгіёну ў Сан-Францысцкай затоцы ў Каліфорніі. Рэгіён атрымаў такую назву, таму што там разьмешчана вельмі шмат вядомых высокатэхналягічных кампаніяў.
