У паведамленьні ЦАХАЛ у тэлеграме гаворыцца, што вайскоўцы рыхтуюцца рэалізаваць наступальныя апэратыўныя пляны, якія ўключаюць для сябе напад з паветра, мора і зямлі.
«Батальёны і салдаты ЦАХАЛ разгорнутыя па ўсёй краіне і гатовыя павысіць гатоўнасьць да наступных этапаў вайны — з упорам на значную наземную апэрацыю», — зазначаецца ў заяве.
Раней сёньня прэсавая служба ізраільскага войска паведаміла аб нанясеньні ўдараў у адказ на атаку з боку Лібана.
Сёньня ж кіраўнік іранскага МЗС Гасэйн Абдалахіян правёў перамовы зь лідэрам лібанскай радыкальнай групоўкі «Хэзбалах» Гасанам Насралам. Пасьля перамоваў лідэр «Хэзбалы» заявіў, што групоўка гатовая ўстаць на бок ХАМАС у вайне з Ізраілем.
Групоўка ХАМАС, прызнаная тэрарыстычнай многімі краінамі сьвету, напала з боку сэктару Газы на поўдзень Ізраіля 7 кастрычніка. У адказ Ізраіль пачаў апэрацыю «Жалезныя мячы» і пачаў атакаваць Газу.
У Ізраілі дзейнічае надзвычайны ўрад. У яго ўвайшлі прэм’ер-міністар Біньямін Нетаньягу, кіраўнік апазыцыйнай партыі «Нацыянальнае адзінства» Бэні Ганц і міністар абароны Ёаў Галант.
У суботу, 14 кастрычніка, ізраільскія СМІ паведамілі, што да вайсковага кабінэта далучаецца экс-міністар абароны і былы кіраўнік МЗС Ізраіля Авігдор Лібэрман. Па дадзеных тэлеграм-канала AZfront, з прапановай да Лібэрмана ўвайсьці ў склад надзвычайнага ўраду зьвярнуўся Біньямін Нетаньягу.
