Аб гэтым паведамляе расейскае агенцтва ТАСС са спасылкай на праваахоўныя органы.
Праверку пачалі з прычыны відэа спэктакля «Мой унук Веньямін», які праходзіў у Брэмэне 27 чэрвеня, дзе Ахеджакава выйшла на сцэну з украінскім сьцягам.
Зварот з просьбай правесьці праверку напісаў кіраўнік расейскага «Фэдэральнага праекта па бясьпецы і барацьбе з карупцыяй» Віталь Барадзін. На яго думку, Ахеджакава «дыскрэдытавала Расею, грамадзянкай якой працягвае зьяўляцца».
Імя Віталя Барадзіна стала згадвацца ў прэсе ў сувязі з ягонымі зваротамі ў Генпракуратуру з просьбамі праверыць прадстаўнікоў расейскай культуры, якія выказваюць антываенную пазыцыю.
У красавіку Барадзін ужо пісаў данос на Ахеджакаву ў Генпракуратуру Расеі. Ён прасіў завесьці ў дачыненьні да актрысы крымінальныя справы па трох артыкулах: аб дзяржаўнай здрадзе, «дыскрэдытацыі» арміі Расеі і ўзбуджэньні нянавісьці або варожасьці.
- 85-гадовая Лія Ахеджакава, якая выступае супраць вайны Расеі супраць Украіны, была вымушаная пакінуць Расею. Актрыса неаднаразова выказвала падтрымку беларускім мірным пратэстам 2020 году.