Ужо сёньня: пачатак Сэсіі Незалежнасьці ў 1991-м

Дата дня

24 жніўня 2012 году памёр пісьменьнік і гісторык Алесь Петрашкевіч.

Гэты дзень у гісторыі

79 — першае зафіксаванае ў крыніцах вывяржэньне вулькану Вэзувій зьнішчыла гарады Пампэі і Геркулянум.

1654 — падчас вайны Расеі з Рэччу Паспалітай адбылася бітва пад Шапялевічамі, войска Рэчы Паспалітай пацярпела паразу.

1814 — ангельцы ўзялі Вашынгтон і спалілі Белы дом.

1949 — набыла сілу падпісаная ў красавіку дамова аб утварэньні Паўночнаатлянтычнага альянсу (NATO).

1991 — Пачатак надзвычайнай сэсіі Вярхоўнага Савету БССР. Украіна абвясьціла незалежнасьць.

ГЛЯДЗІЦЕ ТАКСАМА:

Жнівеньскі тыдзень 91-га. Дзень шосты: Сямдзянава ўносіць Сьцяг у Авальную залю, Украіна абвяшчае Незалежнасьць, Гарбачоў ужо не генсек

2020 —У Жабінцы пахавалі Генадзя Шутава, якому стрэлілі ў галаву падчас акцыі пратэсту ў Берасьці.

ГЛЯДЗІЦЕ ТАКСАМА:

Улады прызналі «экстрэмісцкімі» значкі з ахвярамі гвалту сілавікоў — Тарайкоўскім і Шутавым

У гэты дзень нарадзіліся

1879 — Іван Пуліхаў, беларускі рэвалюцыянэр.

1899 — Хорхэ Люіс Борхэс, аргентынскі пісьменьнік.

1906 — Юльян Саковіч, беларускі грамадзка-палітычны дзеяч.

1946 — Ядвіга Грыгаровіч, беларуская навукоўка ў галіне пэдагогікі.

У памяці

1966 — Тадэвуш Бур-Камароўскі, камандуючы польскай Арміі Краёвай у гады Другой усясьветнай вайны.

1990 — Сяргей Даўлатаў, расейскі пісьменьнік.