30 чэрвеня па стане на 11 гадзін на Беларускай валютна-фондавай біржы курс USD складае 3,0354 BYN (+ 0,13% за дзень).
Курс куплі амэрыканскай валюты ў камэрцыйных банках Беларусі вар'юецца ад 3,0399 да 3,07, піша @motolkohelp. Таньней за 3 рублі даляры ўжо не прадаюць. У чэрвені 2023-га мінімальны курс куплі даляра складаў 2,9898 беларускага рубля.
Зьніжэньне курсу беларускага рубля да даляра можа быць зьвязана з аналягічным трэндам расейскага рубля, які адрэагаваў падзеньнем на спробу вайсковай смуты ў Расеі 23–24 чэрвеня.
Афіцыйны курс даляра ў Беларусі за студзень–травень вырас на 6,8% (з 2,7364 да 2,9226 рубля).
