Паводле Грозева, гэта кампанія «атрымала менавіта тыя бюджэты, якія інакш „Вагнэр“ атрымаў бы ў пачатку вайны. Людзі, якія працавалі на гэтым праекце, зь якімі я правёў даволі падрабязнае інтэрвію, сказалі, што 90% грошай былі скрадзеныя, не дайшлі да фронту, да людзей. Адзін з прыкладаў, як гэта рабілася, — яны наймалі ўжо забітых людзей».
Грозеў таксама сказаў, што прагназуе перамогу Ўкраіны ў вайне з Расеяй да канца гэтага году — у тым ліку, што будзе вызвалены Крым.
«Я нават думаю, што Крым больш імаверна вызваліць, чым Данбас, — сказаў Грозеў. — Матывацыя для ўкраінскага чалавека ў адносінах да Крыму настолькі моцная, што я ўпэўнены: ён будзе прыярытэтам. Данбас або частка Данбасу — гэта можна зрабіць, але я ня ўпэўнены, ці захочуць плаціць чалавечую цану за яго вызваленьне».
Цалкам гутарку можна прачытаць на сайце расейскай службы Радыё Свабода.
