Суд Ленінскага раёну Берасьця прызнаў «экстрэмісцкімі матэрыяламі» кліп і тэкст песьні «Экстрэміст» Юрыя Стыльскага, паведамляе праваабарончы цэнтар «Вясна».
Музыка прысьвяціў кампазыцыю «ўсім экстрэмістам 2020 году».
«Усім тым, хто пералазіў праз калючы дрот; усё тым, хто плыў, ляцеў, поўз і проста ў жаху бег ад вар’яцкіх прысудаў. Для ўсіх сьмелых беларусаў, якія, нягледзячы на дзікую машыну рэпрэсій, не пабаяліся адстойваць сваё права на свабоду і працягваюць змагацца. Наша возьме, па-любому! Жыве Беларусь!» — напісаў у апісаньні да кліпа Юры Стыльскі.
