У Расеі вядзецца кампанія з мэтай дэгераізацыі асобы Кастуся Каліноўскага ў беларускай гісторыі. Для гэтага там пішуць кнігі, здымаюць фільмы, працуе цэлы сайт і група людзей, якія спрабуюць даказаць, што Каліноўскі ня мае дачыненьня да Беларусі.
Імпульсам для гэтай кампаніі шмат у чым сталі публікацыі гісторыка і журналіста Свабоды Сяргея Абламейкі, у тым ліку, ягоная кніга «Каліноўскі і палітычнае нараджэньне Беларусі».
Пра тое, чаму і каму Каліноўскі замінае ў Расеі, Сяргей Абламейка расказвае у інтэрвію Дзьмітрыю Гурневічу на новым YouTube-канале «Гісторыя на Свабодзе».
- 0:22 – Кім нарадзіўся Каліноўскі – палякам, ліцьвінам ці беларусам
- 2:20 – Ці не была беларускасьць Каліноўскага вынікам паліттэхналёгіі
- 4:14 – Адкуль Беларусь узялася ў галовах паўстанцаў
- 8:36 – Чаму «беларусы» і «Беларусь», а не «ліцьвіны» і не «Літва»
- 11:07 – Калі Каліноўскі канчаткова прыняў рашэньне, што яго народ і краіна будуць называцца беларусамі і Беларусьсю.
- 11:42 – Як ў 1989 годзе ў Літве быў знойдзены і схаваны асабісты архіў Каліноўскага
- 15:20 – Чаму ў Расеі зноў узяліся за дыскрэдытацыю Каліноўскага? У чым памылка расейскай прапаганды?
- 19:23 – Ці можна назваць Каліноўскага беларускім Бандэрам
- 21:49 – Ці сапраўды ЗША навязваюць Беларусі Каліноўскага ў якасьці нацыянальнага героя
- 24:38 – Хто зьяўляецца першым у гісторыі беларускім палітыкам
Слухаць гутаркі пра гісторыю вы таксама можаце і на ўсіх папулярных падкаст-плятформах.
«Гісторыя на Свабодзе». Дзе глядзець і слухаць
Вакол Беларусі ідзе вайна гісторыяў. Апанэнты страляюць ня толькі ракетамі і снарадамі, але і гістарычнымі аргумэнтамі. Мінулае Беларусі, Эўропы і сьвету вачыма беларусаў — у праекце «Гісторыя на Свабодзе».
Новыя выпускі выходзяць раз на тыдзень, па серадах.
Як глядзець на YouTube
Падпішыцеся на наш адмысловы YouTube-канал «Гісторыя на Свабодзе», каб не прапусьціць ніводнага выпуску.
Як слухаць падкаст
Калі вам зручней слухаць, а не глядзець, наш праект дасяжны на асноўных падкаст-плятформах. Выберыце тую, якая падыходзіць менавіта вам.
Чароўная спасылка – клікнуўшы на яе, вы аўтаматычна трапіце на адну з папулярных плятформаў.
