«Пад выглядам сумеснага навучаньня супернік узмацніў баявую авіяцыйную групоўку ў Беларусі», — гаворыцца ў вячэрняй зводцы Генштаба Ўзброеных сіл Украіны.
Вучэньні пачаліся 16 студзеня.
У ходзе манэўраў, якія будуць праводзіцца па 1 лютага, плянуецца адпрацаваць «шырокі спектар пытаньняў», у тым ліку «вядзеньне паветранай разьведкі, сумеснае патруляваньне паветранай прасторы ўздоўж дзяржаўнай мяжы, авіяцыйную падтрымку груповак войскаў, высадку тактычнага паветранага дэсанту, дастаўку грузаў і эвакуацыю параненых»..
«Для забесьпячэньня правядзеньня вучэньня задзейнічаюцца ўсе аэрадромы і палігоны ВПС і войскаў СПА Ўзброеных сіл Рэспублікі Беларусь», — адзначылі ў Мінабароны Беларусі.
Аб прыбыцьці на беларускія аэрадромы падразьдзяленьняў ваенна-касьмічных сіл РФ было аб’яўлена напярэдадні вечарам.
