Івонка Сурвіла вітала Сьвятлану Ціханоўскую і яе паплечнікаў як прадстаўнікоў «новай хвалі змагароў за незалежнасьць і лепшую долю Беларускага народу», паведамляецца ў фэйсбуку Рады БНР.
«Яднае нас з вамі любоў да нашай Бацькаўшчыны Беларусі, гонар якой мы сёньня мусім разам бараніць дзеля ганебнай вайны, разьвязанай нашым найбліжэйшым суседам»,— заявіла старшыня Рады БНР.
Івонка Сурвіла нагадала, што цягам дзесяцігодзьдзяў у часы СССР Рада БНР пераконвала сьвет, што беларусы маюць права на волю і на сваю незалежную дзяржаву.
«У Беларусі ў той час за адно толькі слова „Незалежнасьць“ пагражала турма — гэтак, як сёньня яна пагражае за Пагоню і бел-чырвона-белы сьцяг», — сказала Івонка Сурвіла.
Сьвятлана Ціханоўская расказала пра свае сустрэчы канадыйскімі палітыкамі.
У спатканьні ўдзельнічалі кіраўнікі найстарэйшых беларускіх арганізацый дыяспары, у тым ліку Згуртаваньня беларускаў Канады, яе аддзелу ў Атаве і Беларускага інстытуту навукі і мастацтва.
