Пра затрыманьне пастара царквы «Новае пакаленьне» Сяргея Паўлоўскага паведаміла «Наша ніва».
Паўлоўскі — адзін з заснавальнікаў руху «Шлях свабоды», які накіраваны на тое, каб дапамагаць нарка- і альказалежным людзям.
Ён пратэстанцкі вернік зь Менску. У 2021 годзе ён быў рукапакладзены ў пастары і пачаў прапаведаваць. Пра рух «Шлях свабоды», заснаваны ім, вядома няшмат.
Царква «Новае пакаленьне» была заснаваная ў Рызе Аляксеем Лядзяевым. У Беларусі ёсьць некалькі вялікіх груп вернікаў царквы ў розных гарадах.
Сілавікі ў сваім канале ставяць ў віну пастару ўдзел у пратэстах у 2020 годзе.
