Яго абвінавацілі паводле ч.1 арт. 368 Крымінальнага кодэксу «Абраза прэзыдэнта Рэспублікі Беларусь».
Пра гэта паведамляе праваабарончы цэнтар «Вясна».
Справу разглядала судзьдзя Сьвятлана Кузьмічонак.
Антона Баброва затрымалі да суду 21 сакавіка і зьмясьцілі ў Віцебскае СІЗА.
Па матэрыялах абвінавачаньня, Баброў у адным з тэлеграм-каналаў двойчы пакінуў абразьлівыя камэнтары на адрас Аляксандра Лукашэнкі, якія лінгвістычная экспэртыза палічыла ненарматыўнай формай маўленчага выказваньня.
Сваю віну Антон Баброў у судзе прызнаў цалкам.
Працэс прайшоў за адзін дзень.
Баброва пакаралі пазбаўленьнем волі ў калёніі агульнага рэжыму тэрмінам на два гады.
