Першае пасяджэньне прызначылі 7 чэрвеня на 10:30. Судзьдзя — Дзьмітры Карсюк, паведамляе «Новы час».
Аксану Колб затрымалі раніцай 20 красавіка 2022 году і зьмясьцілі пад варту. 22 красавіка ёй высунулі абвінавачваньне ў парушэньні арт. 342 ч. 1 КК (Арганізацыя і падрыхтоўка дзеяньняў, што груба парушаюць грамадзкі парадак, або актыўны ўдзел у іх).
Апошнім часам стала вядома пра некалькі іншых судоў у справах, ініцыяваных уладамі супраць журналістаў.
- Суд у «справе БелаПАН» пачнецца 6 чэрвеня;
- 7 чэрвеня ў судзе Заводзкага раёну Менску пачнецца разгляд справы супраць сацыёляга Тацянай Вадаласкай;
- 8 чэрвеня — суд над фрылансэрам Радыё Свабода Андрэем Кузьнечыкам. Крымінальную справу будзе разглядаць Менскі абласны суд на выязным закрытым паседжаньні.
