Разам зь Яўгенам Куліком ён быў аўтарам эталёну дзяржаўнага гербу «Пагоня», а таксама сьцягу і малой эмблемы БНФ.
Асноўная тэматыка плякатаў Крукоўскага — гісторыя, культура, экалёгія, антываенныя і юбілейныя тэмы, афішы.
Мастак нарадзіўся ў Асіповічах у 6 сакаіка 1937 году. Ён быў удзельнікам усесаюзных, нацыянальных і замежных, пэрсанальных і тэматычных выставак плякату. Яго творы захоўваюцца ў музэях Беларусі, Польшчы, Літвы і Расеі.
З 1975 года быў чальцом Беларускага саюзу мастакоў. Працаваў мастацкім рэдактарам часопісаў «Маладосць», «Мастацтва Беларусі», «Спадчына». Таксама быў чальцом БНФ зь дня заснаваньня.
Крукоўскі быў узнагароджаны мэдалём «За заслугі ў выяўленчым мастацтве», а таксама мэдалём «100 гадоў БНР» Рады Беларускай Народнай Рэспублікі.
