Улады рэгіёну заявілі, што зафіксавалі сьмерць адразу ў трох населеных пунктах.
Узрост загінулых — ад 36 да 73 гадоў. Паведамляецца, што сьмерць наступала нават ад невялікай дозы напою.
Улады перасьцерагаюць людзей ад набыцьця і ўжываньня нелегальнага алькаголю.
Сьледчы камітэт распачаў крымінальную справу аб вытворчасьці і продажы тавараў, якія не адпавядаюць патрабаваньням бясьпекі і прывялі да гібелі некалькіх чалавек.
Расейская арганізацыя эканамічнага супрацоўніцтва і разьвіцьця ўлетку апублікавала дасьледаваньне, якое паказвае, што жыхары Расеі спажываюць у сярэднім 11,2 літра чыстага алькаголю на душу насельніцтва ў год, а амаль кожны дзясяты дарослы чалавек мае праблему залежнасьці.
- У жніўні сёлета восем супрацоўнікаў прадпрыемства — грамадзяне Беларусі — атруціліся сурагатным алькаголем у Карэліі (Расейская Фэдэрацыя). Пяцёра ь іх загінулі.
- Масавае атручэньне адбылося ў Іркуцку ў сьнежні 2016 году. Там людзі пілі сродак для ваннаў «Боярышник». Паводле тэхналёгіі ён павінен быць выраблены з этылавага сьпірту, але ў яго аснове ляжаў сьмяротна небясьпечны мэтылавы сьпірт. Загінулі 76 чалавек, дзясяткі пацярпелі.