«Рэвалюцыю» беларускага пісьменьніка Віктара Марціновіча паставяць у нямецкім тэатры. Пра гэта сам ён паведаміў у сацсетках.
Паводле яго слоў, прэм’ера спэктаклю паводле раману «Рэвалюцыя» адбудзецца ў красавіку 2022 ў тэатры Deutsches Schauspielhaus ў Гамбургу. Ён лічыцца адным з найбуйнейшых тэатраў у Нямеччыне.
Раман «Рэвалюцыя» Марціновіч напісаў у 2013 годзе. Дзеяньне адбываецца ў Маскве 2000-х: эмігрант зь Беларусі атрымлівае ўладу — і тая на яго ўзьдзейнічае адмоўна.
Раман выдадзены на беларускай мове ў 2020 годзе ў беларускім выдавецтве «Кнігазбор», а ў 2021 годзе — на расейскай мове ў маскоўскім «Времени».
З пачатку 2021 беларуская мытня перастала выпускаць за мяжу пасылкі з гэтым раманам. Пры ператрусе ў выдавецтве «Кнігазбор» канфіскавалі ўвесь наклад «Рэвалюцыі».