Лінкі ўнівэрсальнага доступу

Сайт выданьня «Сильные новости» афіцыйна заблякавалі


Рэдакцыя «Сильных новостей», архіўнае фота
Рэдакцыя «Сильных новостей», архіўнае фота

Раней неаднаразова зьяўляліся цяжкасьці з доступам да сайту.

Сайт незалежнага гомельскага выданьня «Сильные новости» заблякаваны рашэньнем Міністэрства інфармацыі. Пра гэта сьведчыць адпаведнае паведамленьне, якое зьяўляецца пры пераходзе на сайт, піша Праваабарончы цэнтар «Вясна».

У той жа час старонка «СН» адкрываецца з-за мяжы. Рэдакцыя працягвае працу, нягледзячы на перасьлед уладаў, які трывае ў дачыненьні журналістаў выданьня ўжо некалькі месяцаў.

15 ліпеня з доступам да сайту зьявіліся першыя цяжкасьці, ён не працаваў некалькі дзён пасьля таго, як хтосьці пракраўся ў праграмны код і пакінуў там шмат памылак, якія нашкодзілі працы сайту.

Заснавальнік і дырэктар рэгіянальнага парталу Пятро Кузьняцоў расказаў, што выпраўляць код давялося ў ручным рэжыме, і сайт запрацаваў зноў. Аднак цяпер яго заблякавалі ўлады.

Хроніка перасьледу «Сильных новостей»

  • Увосень 2020 году міліцыя затрымлівала і кідала на «суткі» як удзельнікаў несанкцыянаваных мерапрыемстваў журналістаў сайту «Сильные новости» Дзяніса Якштаса, Марыну Драбышэўскую, Надзею Пужынскую. Галоўная рэдактарка Ганна Якштас правяла выходныя ў ІЧУ і атрымала буйны штраф.
  • 6 кастрычніка 2020 году прайшлі ператрусы ў супрацоўнікаў сайту і ў офісе рэдакцыі. Міліцыянты забралі тэхніку. Пазьней рэдакцыя аднавіла працу.
  • 9 ліпеня супрацоўнікі міліцыі прыйшлі зь ператрусамі да дзесяці супрацоўнікаў «Сильных новостей», у тым ліку да заснавальніка Пятра Кузьняцова, галоўнай рэдактаркі Ганны Якштас і журналістаў.
  • 13 ліпеня адбыўся ператрус і допыт бухгальтаркі Ганны Стрэльчанкі. Ва ўсіх супрацоўнікаў міліцыя забрала тэлефоны і тэхніку.
  • 15 ліпеня зь невядомай прычыны перастаў адкрывацца сайт «Сильные новости». Неўзабаве Гомельскі гарвыканкам даслаў пастанову аб ліквідацыі юрыдычнай асобы, якой належаць праекты Пятра Кузьняцова.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG