Перад сустрэчай Байдэна і Пуціна Ціханоўская накіравала ў Белы дом сваю пазыцыю аб сытуацыі ў Беларусі

Сьвятлана Ціханоўская накіравала ў Адміністрацыю прэзыдэнта ЗША Джо Байдэна сваю пазыцыю аб сытуацыі ў Беларусі. Пазыцыя складаецца з 5 галоўных пастулатаў:

• Лукашэнка нелегітымны і павінен пакінуць пасаду;
• выбары прэзыдэнта Беларусі мусяць прайсьці ў 2021 годзе;
• пратэст у Беларусі не геапалітычны;
• замест падтрымкі рэжыму Расея яшчэ можа стаць часткай вырашэньня крызісу ў Беларусі;
• незалежнасьць і сувэрэнітэт Беларусі ня могуць быць прадметам гандлю.

16 чэрвеня прэзыдэнты ЗША і Расеі Джо Байдэн і Ўладзімір Пуцін сустрэнуцца ў швайцарскай Жэнэве. На сустрэчы Байдэн мае намер падняць пытаньне аб Беларусі і выказаць сур’ёзную заклапочанасьць амэрыканскага боку сытуацыяй у краіне.

25 траўня, камэнтуючы скандал вакол пасадкі самалёта Ryanair у Менску, Байдэн заявіў, што Злучаныя Штаты рашучым чынам асуджаюць перанакіраваньне рэйсу Ryanair і затрыманьне журналіста Рамана Пратасевіча. Паводле яго, ЗША разам з краінамі ўсяго сьвету заклікаюць да вызваленьня Пратасевіча, а таксама сотняў іншых палітвязьняў, «якія несправядліва ўтрымлiваюцца пад вартай рэжымам Лукашэнкі».

ГЛЯДЗІЦЕ ТАКСАМА:

Байдэн і Пуцін: пра што яны не дамовяцца

ГЛЯДЗІЦЕ ТАКСАМА:

У Крамлі разумеюць, што ў Беларусі ня будзе больш антызаходняга лідэра, чым Лукашэнка, — расейскі палітоляг

ГЛЯДЗІЦЕ ТАКСАМА:

Саміт ЭЗ–ЗША: кіраўніцтва Беларусі павінна адказаць за парушэньні правоў чалавека і інцыдэнт з Ryanair