Прэзыдэнт Злучаных Штатаў Амэрыкі Джо Байдэн 10 чэрвеня зьбіраецца абнародаваць «вакцынны плян» для сьвету. Пра гэта ён паведаміў у сераду перад эўрапейскім турнэ, падчас якога ён возьме ўдзел у самітах «вялікай сямёркі», NATO, Эўрапейскага Зьвязу і правядзе перамовы з прэзыдэнтам Расеі Ўладзімірам Пуціным.
Як паведаміла Нацыянальнае грамадзкае радыё з спасылкай на свае крыніцы ў атачэньні Байдэна, у плянах прэзыдэнта ахвяраваць 500 мільёнаў дозаў вакцыны Pfizer ад COVID-19.
Іх перададуць Сусьветнай арганізацыі здароўя, якая будзе разьмяркоўваць іх сярод краінаў, якія ня маюць сродкаў для закупкі вакцын.
Раней Байдэн ужо паабяцаў выдзеліць 80 мільёнаў доз вакцыны такім краінам.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў