Лінкі ўнівэрсальнага доступу

12-гадовы хлопчык, які выратаваў брата на пажары, яшчэ ў рэанімацыі, маці чытае яму кнігі


Ілюстрацыйнае фота.
Ілюстрацыйнае фота.

Хлопчык усё яшчэ ў рэанімацыі ў цяжкім стане, яго маці чытае яму кнігі, ён глядзіць мультфільмы.

Міністэрства аховы здароўя распавяла пра стан 12-гадовага хлопчыка Ромы, які выратаваў свайго двухгадовага брата падчас пажару.

«З Ромай пастаянна знаходзіцца мама. Ён рэагуе на гаворку, мама чытае яму кнігі, часам ён глядзіць мультфільмы», — паведаміла міністэрства аховы здароўя ў сваім тэлеграм-канале.

Стан хлопчыка па-ранейшаму цяжкі.

Здарэньне адбылося 28 красавіка ў вёсцы Сідаравічы. Калі пачаўся пажар, Раман спачатку спрабаваў яго патушыць, а потым схапіў малодшага брата, вынес яго на вуліцу, перадаў дарослым і страціў прытомнасьць. З апёкамі і парэзамі яго забралі ў раённую бальніцу, а потым перавезьлі ў Рэспубліканскі апёкавы цэнтар.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG