Прысутныя на канфэрэнцыі адзначаюць, што міліцыянты мэтанакіравана прыйшлі менавіта па журналістку. Яе павезьлі ў Савецкае РУУС Менску.
У Савецкім РАУС Беларускай асацыяцыі журналістаў пацьвердзілі, што журалістка Тацяна Капітонава затрыманая да суду паводле адміністрацыйнай справы. У чым яе вінавацяць, міліцыя ня кажа.
З РАУС журналістку адвязуць на Акрэсьціна. Суд пройдзе заўтра.
Такім чынам за кратамі ў Беларусі цяпер 15 прадстаўнікоў мэдыя.
Тацяна Капітонава была аглушаная сьвятлашумавой гранатай падчас разгону дэманстрантаў на станцыі мэтро «Пушкінская» 10 жніўня. Фотакарэспандэнтка супрацоўнічала з тэлеканалам «Белсат».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў