Справа прынятая ў работу Пінскім міжраённым аддзелам Сьледчага камітэту, гаворыцца ў паведамленьні ведамства.
«Згодна з матэрыяламі крымінальнай справы, заснавальніца і кіраўніца дабрачыннай установы выдаткоўвала фінансавае і іншае матэрыяльнае забесьпячэньне для ўдзельнікаў незаконных масавых мерапрыемстваў, якія мелі месца ў Пінску ў жніўні мінулага году», — адзначаецца ў афіцыйным тлумачэньні.
Пінская грамадзкая актывістка, юрыстка, кіраўніца дабрачыннай арганізацыі «Палеская дабрыня» Алена Шымоліна празь перасьлед уладаў была вымушаная зьехаць зь Беларусі ў Польшчу.
Летась у сьнежні супраць яе пачалі крымінальную справу паводле ч. 3 арт. 210 (крадзеж шляхам злоўжываньня службовымі паўнамоцтвамі ў асабліва буйным памеры) Крымінальнага кодэксу па фактах выкарыстаньня грашовых сродкаў, атрыманых на дабрачынныя патрэбы.
Цяпер крымінальныя справы злучаныя ў адну. Канчатковая ацэнка будзе дадзеная па выніках расьсьледаваньня, адзначылі ў Сьледчым камітэце.
