Лінкі ўнівэрсальнага доступу

Памёр гісторык Леанід Лыч, абаронца беларускай мовы. У яго быў каранавірус


Леанід Лыч у студыі Свабоды, 2012 год.
Леанід Лыч у студыі Свабоды, 2012 год.

Доктар гістарычных навук Леанід Лыч лячыўся ад каранавірусу ў 2-й менскай лякарні. 8 лютага яму мела споўніцца 92 гады.

Пра ягоную сьмерць паведаміла старшыня ТБМ Алена Анісім:

«Толькі што прыйшла чарговая сумная вестка: Леанід Лыч пакінуў гэты свет. Усе гады незалежнасці Беларусі спадар Леанід выступаў яе непахісным абаронцам. Ён не шкадаваў сіл і пісаў шмат артыкулаў пра важнасць беларускай мовы і абароны нашай культуры. Нам застаюцца яго кнігі, яго выступы. Нам застаецца яго клопат пра Бацькаўшчыну. Адыходзяць магікане беларускай справы. Наша ўдзячнасць і светлыя ўспаміны!»

Жонка Леаніда Лыча Людміла раней казала «Народнай Волі», што муж вельмі не хацеў класьціся ў шпіталь, бо ляжаў у іх толькі ў маладосьці. У шпіталі Лычу было то лепш, то горш. Скардзіўся на тое, што не было настрою праз адсутнасьць сілаў.

Леанід Міхайлавіч Лыч (нар. 8 лютага 1929 г., в. Магільнае, Узьдзенскі раён Менскай вобл.) — беларускі гісторык, публіцыст; доктар гістарычных навук, прафэсар.

Дасьледаваў пытаньні сацыяльна-клясавых адносін у савецкі час, гісторыю беларускай культуры, моўную палітыку ў Беларусі ў XIX–XX ст., міжнацыянальныя адносіны ў краіне ў XX стагодзьдзі.

Даследаваў уплыў наступстваў рэферэндуму 1995 года на стан беларускай мовы ў сучаснай Беларусі. З працамі гісторыка можна пазнаёміцца на ягонай палічцы на сайце Камунікат.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG