Суд Кастрычніцкага раёну Менску палічыў відэазварот работнікаў цывільнай авіяцыі супраць гвалту «пікетаваньнем з выкарыстаньнем кампутарнай сеткі інтэрнэт», паведамілі назіральнікі «Вясны».
Ролік апублікавалі 20 лістапада. Супрацоўніцу авіякампаніі «Белавія» Надзею Букатую, якая зьнялася ў ім, неўзабаве звольнілі. 12 студзеня судзьдзя Аляксандар Рудэнка асудзіў яе на 15 дзён арышту.
Днём раней, 11 студзеня, за гэтае ж відэа арыштавалі на 15 дзён Уладзімера Галаша. 13 студзеня ў судовых раскладах працэсы яшчэ над чатырма ўдзельнікамі відэазвароту.
