Пра гэта ў сваім тэлеграм-канале паведаміў адхілены ад службы праваслаўны сьвятар Аляксандар Шрамко. Ён жа апублікаваў зварот Веньяміна.
«Кідаецца ў вочы знарочыста падрабязнае выкладаньне датаў інфікаваньня, дыягнаставаньня і шпіталізацыі. Усё гэта, пэўна, выклікана чуткамі, што Філарэт быў заражаны падчас сьвяткаваньня яго імянінаў. На здымках, апублікаваных на афіцыйным сайце БПЦ, відаць, што духавенства было бяз сродкаў проціэпідэмічнай абароны», — зьвяртае ўвагу Шрамко.
Мітрапаліт Філарэт кіраваў Беларускай праваслаўнай царквой 35 гадоў — з 1978-га да 2013-га. Ён прыхільнік палітыкі Аляксандра Лукашэнкі, яму было прысвоена званьне Героя Беларусі.
